पंढरपूर प्रतिनिधी -रयत संदेश न्यूज नेटवर्क
पंढरपूर येथे २ हजार पत्रकारांच्या उपस्थितीत राज्य शिखर अधिवेशन उत्साहातदोन दिवसांच्या मेळ्यात अनेकांचा सन्मान, मार्गदर्शन, ठराव. “व्हॉईस ऑफ मीडिया’ या आंतरराष्ट्रीय पत्रकारांच्या संघटनेने राज्यातील पत्रकारितेला नवी दिशा देण्याची आज काळाची गरज आहे. जेथे माध्यमे मजबूत असतात, तेथे लोकशाहीही सक्षम होते,” असे उदगार राज्यपाल हरिभाऊ बागडे यांनी काढले. ‘व्हॉईस ऑफ मीडिया व्ही.ओ.एम. इंटरनॅशनल फोरम’चे महाराष्ट्र राज्य शिखर अधिवेशन पंढरपूरमध्ये अत्यंत उत्साहात पार पडले. राज्यातून सुमारे २ हजार पत्रकारांच्या उपस्थितीने दोन दिवसीय अधिवेशनाला भव्य स्वरूप प्राप्त झाले. या अधिवेशनाच्या समारोपाच्या वेळी श्री. बागडे बोलत होते.
बागडे म्हणाले की, पत्रकार हे लोकशाहीचे सजग प्रहरी आहेत आणि त्यांच्या आवाजात समाजाची दिशा बदलण्याची ताकद असते. आज माध्यमे फक्त बातम्या देणारे साधन राहिलेले नाहीत, तर ती सामान्य माणसाच्या वेदना आणि प्रश्नांना आवाज देण्याचे पवित्र कार्य करत आहेत. ‘व्हॉईस ऑफ मीडिया’ सारख्या संस्थांनी सत्य, नीतिमत्ता आणि पारदर्शकतेच्या आधारावर पत्रकारितेला नवी दिशा देणे ही काळाची गरज आहे. जेथे माध्यमे मजबूत असतात, तेथे लोकशाही सक्षम होते आणि प्रशासनही लोकाभिमुख होते. तरुण पत्रकारांनी भीती न बाळगता प्रश्न विचारण्याची परंपरा पुढे नेत राहावी आणि अन्यायाविरुद्ध ठामपणे उभे राहावे. राज्यभरातून जमलेला पत्रकारांचा उत्साह पाहता, महाराष्ट्रातील पत्रकारिता नव्या उंचीवर जाणार असल्याचा विश्वास त्यांच्या भाषणातून व्यक्त झाला.
कार्यक्रमाची सुरुवात सुप्रसिद्ध गायक-गीतकार अतुल दिवे यांच्या ‘भक्ती आणि देशभक्ती’ या विशेष संगीतमय प्रस्तुतीने झाली. उद्घाटन सोहळ्याला प. पु. लोकनाथ स्वामी महाराज, इस्कॉन पंढरपूर प्रेसिडेंट. प.पु. प्रल्हाद दास, तसेच सांगली जिल्हाधिकारी अशोक काकडे, वरिष्ठ प्रशासकीय अधिकारी हणमंतराव पाटील उपस्थित होते. स्वागताध्यक्ष म्हणून उद्योजक आणि सामाजिक कार्यकर्ते राणा सूर्यवंशी यांनी सर्व पाहुण्यांचे स्वागत केले.
अधिवेशनातील प्रमुख आकर्षण म्हणजे ‘व्हॉईस ऑफ मीडिया जीवनगौरव पुरस्कार २०२५’चा भव्य सन्मान होता. देशातील प्रख्यात संपादकांना या पुरस्काराने गौरविण्यात आले. माजी मंत्री यशोमती ठाकूर, प. पु. लोकनाथ स्वामी महाराज आणि समाजसेवक रवी बापटले यांच्या हस्ते हा पुरस्कार देण्यात आला. पुरस्कार मानकऱ्यांमध्ये ज्येष्ठ पत्रकार श्रीकृष्ण चांडक, उत्तम कांबळे, मृणालिनी नानिवडेकर, रवींद्र अंबेकर आणि विशाल पाटील यांचा समावेश होता. समाजसेवा आणि जागतिक भक्ती वारसा जपणाऱ्या प. पु. लोकनाथ स्वामी महाराज यांना ‘व्हॉईस ऑफ मीडिया भूवैकुंठ सेवा – आंतरराष्ट्रीय गौरव पुरस्कार’ देण्यात आला.
याच अधिवेशनात पत्रकार संदीप काळे लिखित ‘पत्रकारितेमधील व्यवस्थापन’, ‘पत्रकारितेसंबंधी नवे कायदे’, ‘जागतिक पत्रकारिता व जोडधंदे’, ‘एआयमुळे बदललेली पत्रकारिता’ आणि ‘डिजिटल मीडिया – नव्या पत्रकारितेचा उदय’ या पाच पुस्तकांचे तसेच स्मरणिकेचे प्रकाशन मान्यवरांच्या हस्ते करण्यात आले.
पत्रकारितेमधील आधुनिक तंत्रज्ञान आणि सविस्तर जीवन प्रणाली यावर गगन महोत्रा आणि सारिका पन्हाळकर यांनी मार्गदर्शन केले. ‘माझ्या जिल्ह्यात माझी व्हॉईस ऑफ मीडिया’ या सत्रात जिल्हाध्यक्षांनी आपली कामगिरी सादर केली. संध्याकाळी चंद्रभागा नदीच्या तीरावर ‘एक दिवा पत्रकारांसाठी’ हा भावनिक कार्यक्रम पार पडला. हजारो दिव्यांनी परिसर उजळून निघाला आणि दिवंगत पत्रकारांना वाहिलेली ही श्रद्धांजली सर्वांच्या डोळ्यांत पाणी आणणारी ठरली. त्यानंतर प. पु. लोकनाथ स्वामी महाराज आणि श्रीकृष्ण चैतन्य महाराज (अमेरिका) यांच्या भजन–कीर्तनाने भक्तीचा दिव्य लहरींनी पंढरपूर दुमदुमला.
दुसऱ्या दिवशी धोरणात्मक चर्चासत्रे, विंगच्या आगामी संकल्पना आणि पत्रकार म्हणून आपली भूमिका यांसंदर्भातील मार्गदर्शनपर सत्रांनी उपस्थितांना नवी दिशा दिली. ठराव मांडणी, नवीन कार्यपद्धती आणि प्रदेशनिहाय संवादातून संस्थेच्या पुढील वाटचालीची स्पष्ट रूपरेषा अधिवेशनात मांडण्यात आली. राज्यातील उल्लेखनीय काम करणाऱ्या विविध पदाधिकाऱ्यांचा विशेष सन्मान करण्यात आला.
प्रदेशाध्यक्ष अनिल म्हस्के, महासचिव दिगंबर महाले, कार्याध्यक्ष विजय चोरडिया, कोषाध्यक्ष चेतन बंडेवार, संचालक व्यंकटेश जोशी, आरोग्य विंगचे प्रमुख महिमेश मुतुला, कोकण–मुंबई विभागाचे अध्यक्ष अरुण ठोंबरे, उत्तर महाराष्ट्रचे मिलिंद टोके, विदर्भचे किशोर करंजेकर, मराठवाड्याचे संगम कोटलवार, पश्चिम महाराष्ट्रचे सचिन मोहिते यांसह कोर टीमचे प्रमुख अजित कुंकुलोळ, कुमार कडलग, गोरक्षनाथ मदने, नरेंद्र देशमुख, संगम कोटलवार, अमोल मतकर, बापूराव पाटील, किशोर करंजेकर, वैशाली पाटील, रश्मी मारवाडी, कल्पेश महाले, पल्लवी शेट्टे, विविध विंग प्रमुख, जिल्हा व तालुका स्तरावरील पदाधिकारी आणि स्वयंसेवक यांच्या एकत्रित प्रयत्नांमुळे हे अधिवेशन ऐतिहासिक आणि सर्वसमावेशक ठरले.
पंढरपूरमधील हे राज्य शिखर अधिवेशन ‘व्हॉईस ऑफ मीडिया’च्या एकात्मतेचा, प्रज्ञेचा आणि पत्रकारांच्या हक्कांसाठीच्या लढ्याचा भव्य पुरावा ठरले आहे. या अधिवेशनात पत्रकार आणि पत्रकारांच्या हितासाठी पंधरा ठराव पारित करण्यात आले.
राजस्थानचे राज्यपाल हरिभाऊ बागडे यांच्या अनेकांचा सन्मान झाला; त्यात सिद्धहस्त कलाकार आकाश अमृतवार, विंग प्रमुख महिला विंग – लक्ष्मी वाडेकर, साप्ताहिक विंग – जितेंद्र जोगड, रेडिओ विंग – अनुप फुसके, डिजिटल विंग – वसंत खडसे; जिल्हा व तालुका स्तरावरील सन्मानित पदाधिकारी – व्यंकटेश दुडूमवार, रुपेश पाटील, राजेश भालेराव, अनिल करंदकर, मंगल डोंगरे, राजू कापसे, भरत म्हात्रे, उमेश काटे, गंगाधर ढवळे, गणेश आवळे या पदाधिकाऱ्यांचा समावेश होता. 
राज्यपाल हरिभाऊ बागडे यांनी उपस्थित सर्व पत्रकार पदाधिकारी यांना मानवतावादी शपथ दिली. सोबत या अधिवेशनाचे स्वागताध्यक्ष राणा सूर्यवंशी, इस्कॉनचे प्रमुख प्रल्हाद दास पत्रकार आणि पत्रकारितेसाठी १५ ठराव पारित.‘व्हॉईस ऑफ मीडिया’ समरणिका, संदीप काळे यांची ५ पुस्तके, वृत्तगंधप्रभा चे प्रकाशन.राज्यभरातून २,००० पत्रकारांचा सहभाग.अतुल दिवे व लोकनाथ स्वामी महाराज यांच्या संगीतमय मेजवानी.भक्ती, देशभक्ती, गजलसंध्या व ‘हरे मुरारी’ कार्यक्रमांचे आयोजन.‘व्हॉईस ऑफ सिनेमा’ नव्या हिंदी न्यूज वाहिनीचे उद्घाटन.राज्यपाल हरिभाऊ बागडे यांनी सर्व पदाधिकाऱ्यांना शपथ दिली.
