रयतसंदेश न्यूज नेटवर्क:-
अमळनेर( प्रतिनिधी)- आँप्टीकल फायबर टाकण्याच्या कॉन्ट्रॅक्ट देतो अशी बतावणी करून जामनेरच्या चव्हाण बंधूनी सुमारे 11 लाख 50 हजार रुपये घेऊन पवन चौकातील एकाची फसवणूक केल्याची घटना घडली .ह्या प्रकरणी अमळनेर पोलीस स्टेशनला दोघांविरुद्ध फसवणूकीचा गुन्हा दाखल करण्यात आला आहे. संबंधित विजय धनराज पाटील रा. पवन चौक,अमळनेर यांची *व्यंकटेश इंटरप्राईजेस* नावाची फर्म असून दिनांक 15 ऑगस्ट 2020 रोजी सायंकाळी पाच वाजता त्यांच्या ओळखीचे जामनेर येथील राहुल दत्तात्रय चव्हाण व सागर दत्तात्रय चव्हाण या दोघांनी विजयच्या घरी येऊन तुम्हाला आँप्टिकल फायबर कंपनीचा ठेका देतो असे सांगून 15 लाख रुपयांची मागणी केली. विजय पाटील याने टप्प्याटप्प्याने 11 लाख 50 हजार रुपये दिले मात्र दोघे चव्हाण बंधूंनी ऑप्टिकल फायबर केबलचा ठेका अजून दिलेला नाही. विजयने पैशाची मागणी केली असता दोघांनी तगादाला लावू नको अन्यथा तुला संपून टाकू अशी धमकी दिली आहे. संबंधित चव्हाण बंधू यांना राजकीय पाठबळ मिळत आहे असे विजय पाटील यांनी पत्रकार परिषदेत सांगितले या कारणास्तव अमळनेर पोलीस स्टेशनला दोघांविरुद्ध फसवणुकीचा गुन्हा दाखल करण्यात आला आहे.
