अमळनेर (प्रतिनिधी)- रयत संदेश न्यूज नेटवर्क
अमळनेर शहराच्या सौंदर्यात दिवसेंदिवस भर पडत असून विविध विकासकामांमुळे शहराची एक वेगळी ओळख निर्माण होत आहे.माजी मंत्री तथा आमदार अनिल पाटील,खासदार स्मिता वाघ, माजी आमदार कृषिभूषण साहेबराव पाटील,माजी नगराध्यक्षा जयश्री अनिल पाटील यांच्या नेतृत्वाखाली शहराची वाटचाल योग्य दिशेने सुरू शहराचा विकास अविरत सुरू ठेवण्यासाठी अमळनेर तालुका व शहर विकास आघाडीच्या सर्व उमेदवारांना विजयी करण्याचे आवाहन शहर विकास आघाडीच्या पदाधिकाऱ्यांनी केले आहे.
आमदार अनिल भाईदास पाटील यांच्या कार्यकाळात शहराने कात टाकली असून विविध विकासकामांची गंगा जणू शहरात अवतरली आहे.८० कोटीतून तयार होत असलेला डिपी रोड,चोपडा तसेच नरडाणा रस्त्यावर झालेले प्रवेशद्वार,कॉलनी भागातील अंतर्गत रस्ते,शहराचे सौंदर्यीकरण यामुळे शहराच्या विकासात एक वेगळी भर पडलेली आहे.
डिपी रस्त्यामुळे दळणवळणाला चालना
अमळनेर शहरातून जात असलेल्या डिपी रस्त्यामुळे शहरातील अंतर्गत दळणवळण सोयीचे होणार असून पारोळा रोड, गलवाडे रोड, धुळे रोड,चोपडा रोड यांची कनेक्टिव्हिटी जोडली जाणार आहे.यामुळे शहराच्या मुख्य रस्त्यावरील वाहतूक कोंडीची समस्या संपणार आहे,सोबतच या डिपी रस्त्यामुळे शहराची हद्द वाढणार असून नागरिकांना पायाभूत सोयीसुविधा मिळणार आहेत.
ऐन पावसाळ्यात नागरी वस्तीत होणाऱ्या पूरपरिस्थितीला देखील या रस्त्यामुळे आळा बसणार असून ढेकू रस्ता व पिंपळे रस्त्याची समस्या यामुळे सुटणार असून हा डिपी रस्ता जणू संरक्षक भिंतीचे काम करणार आहे. भविष्याची दूरदृष्टी ठेऊन डिपी रस्त्याची उभारणी आमदार अनिल पाटील यांच्या नेतृत्वाखाली करण्यात आली आहे.
प्रवेशद्वारांनी शहराला एक वेगळी ओळख.
अमळनेर शहरात प्रवेश करतांना चोपडा रस्त्यावर तसेच नरडाणा रस्त्यावर २ कोटींच्या निधीतून भव्य प्रवेशव्दार उभारण्यात आले आहे.तसेच पारोळा व धरणगाव रस्त्यावरील प्रवेशव्दाराला देखील मंजुरी मिळाली असून येणाऱ्या काळात या भागात देखील भव्य प्रवेशव्दार उभारण्यात येणार आहेत.या प्रवेशद्वारांमुळे शहराला एक वेगळी ओळख निर्माण झाली आहे.
शहरातील अनेक कॉलनी भागात भुयारी गटारीचे काम पूर्णत्वास आले असून अनेक भागातील रस्ते पूर्ण झाले असून काही भागांमध्ये कामे सुरू आहेत.कॉलनी भागातील रस्त्याचा विकास झाल्यामुळे नागरिकांच्या समस्या सुटल्या आहेत.ज्या भागात रस्ते राहिले आहेत त्या भागात देखील येणाऱ्या काळात अमळनेर तालुका व शहर विकास आघाडीच्या माध्यमातून पायाभूत सुविधा पुरविण्यात येणार आहेत.
शहराचे आधुनिक सौंदर्यीकरण
अमळनेर शहराच्या सौंदर्यात दिवसेंदिवस भर पडत असून हा विकास असाच पुढे सुरू राहणार आहे.मुख्य रस्त्यावर रात्रीच्या वेळी होत असलेली रोषणाई,कॉलनी भागातील रंगीबेरंगी पथदिवे शहराच्या सौंदर्यात विशेष ठरत आहेत.
येणाऱ्या काळात शहरातील प्रत्येक भागात वैशिष्टयपूर्ण योजनेतून विविध पथदिवे बसविण्यात येणार असून,खुल्या भूखंडाचा विकास केला जाणार आहे.या माध्यमातून लहान मुलांसाठी खेळाची मैदाने,वयोवृधांसाठी नाना नानी पार्क,तरुणांसाठी जॉगिंग ट्रॅक, महिलांसाठी विशेष सोयी सुविधा उभारण्यात येणार आहेत.
शहराचा हा विकास असाच सुरू ठेवायचा असेल तर अमळनेर तालुका शहर विकास आघाडीचे नगराध्यक्ष पदाचे उमेदवार जितेंद्र ठाकूर तसेच १८ प्रभागातील सर्व ३५ नगरसेवकांच्या नावासमोरील शिट्टी चिन्हासमोरील बटण दाबून त्यांना विजयी करण्याचे आवाहन अमळनेर तालुका शहर विकास आघाडीच्या माध्यमातून करण्यात आले आहे.
